Relato de Primavera en el Pirineo Aragaonés

Fotografias de Cotiella y Turbón

Pirineo de Huesca.

Hola amigos:

Hoy voy a escribir otro relato de mi amigo Miguel Vidal y de sus excursiones.

Por cierto he de decir que tanto él como su familia son de la Vall del riu Ara, en el Pirineo de Huesca, y tanto allí como en Bielsa, Chistau, Echo, Benasque, aún se habla la fabla, osea el aragonés. Dicho esto, el relato comienza así:

CAMPO

"Baxo un día soleyado, nos adentramos en a primabera d'a montaña uescana. O zielo yera bien azul, y rediba alegre en beyer que cada día, a luz alargaba unos menutos más antis d'ir-se-ne a dormir. Os ababols acucutaban en as espuendas d'a carretera, aportando o royo entre as tonalidaz amarilla y lila d'altras flors. Parexaba casolidá, pero a naturaleza le yera rendindo remeranza a ras 75 añadas d'a proclamazión d'a II Republica. A nieu acotalaba en as puntas, eslizando-se por chicotas canals enta las bals, an se conbertiban en auguas como espiellos, poco dimpués de derretir-se'n. Yeran os tapallos de Cotiella y Turbón, fartos d'o peso amotolonau durán l'ibierno.Teneban ganas de liberar-se'n, d'esnudar-se, d'amostrar a suya pelleta a os suyos almiradors, beníus d'a ziudá, la mayoría, d'entre os cualos me trobaba. Por denzima, sulcando l'aire, os esparbers cosiraban os mobimientos esbrunzeros d'os pobladors d'ixe mundo plen de bida que bi ha baxo de matarrals, praus u ripas.

En l'orizonte, as nubes escribiban as siluetas d'os mons pirinencos,pero aumentaus, como si tenisen dezaga una gran mirallo y no podeses esferenziar as autenticas d'as que yeran solo que o suyo reflexo. Teneban iguales formas irregulars crebadas y afiladas como astrales. Se trataba de brempas de claro-escuro en azul, rosau y lila, con una fureza tal que a nieu no resaltaba porque o suyo color blanco yera amortau por tanta luminosidá."

En otra ocasión ya os escribiré otro de sus muy buenos relatos, que tratan de sus excursiones y experiencias, y que explica tan sabiamente en aragonés.
¡Que viva la fabla y los aragoneses!

Espero que éste también os haya gustado.

Hasta mañana, internautas.

LISEBE

CRONICA D'A MOLA

Hola de nou amics :

Aquest relat está escrit i viscut per un amic meu que es diu Miquel Vidal, está escrit en una llengüa que no s'utilitza molt ni per escriure ni per parlar , he de dir que es " aragonés " autentic, i aquest post está dedicat al Miquel i a la llegüa aragonesa, per que realment mai es pogui perdre.

"Estió un día perfeuto ta l'abentura. Dimpués de lumerosas cribas en a eluzión d'os abenturers más preparaus, os siete eslechíus enzetamos o proyeuto. Se trataba de puyar ta La Mola, un tozal que ubre o Parc de Sant LLorenÇ de Munt, en o cualo cobalto ye plantau o monasterio d'o mesmo nombre, adibíu a un bar-restaurán an que se puede chitar bel trago u minchar bella chulla a la brasa.

O zielo yera azul como pocas begatas s'eba bisto en o Ballés, perén emplíu de contaminazión pos as industrias chitan arrienda fumo ta l'atmosfera. A claridá d'o día, manimenos, no parexió contachiar-nos, porque nomás salir d'a ziudá. os dos autos que aculliban a trepulazión se perdión. No tenimos notizias en garra momento. Sin de conozimiento d'a posizión y camín eslechíu, esnabesemos o Ballés, dende Granollers dica Sabadell. Trescrucemos a ziudá quemisió por an, y dimpués de trafucar-nos por as carreras, l'instinto nos lebó ta la carretera que escábanos. Pleguemos ta o lugar de Matadepera, pero nos desemboliquemos bien ta poder pillar a carretera d'o Parque de San Lorién de Mon. Astí teniemos a unica cominicazión con l'altro grupo montañero.

Nos dizión que yeran amán de nusatros , asinas que decamín aluframos l'esbarre indicau en o mapa que nos feba dixar a carretera y meter-nos en un mena de urbanizazión con costeras y puyadons prou altizas. Continamos por a carrera Cavall Bernat dica acotolarse, astí dixamos l'auto y truquemos a os atros compañers. Pero a cobertera no esistiba, y os intentos por comunicar estión por demás. Dimpués de tratar de escar-los en auto, y pasau una ora y meya dende la plegada, dezidiemos prenzipiar a caminar, que yera o que nos eba trayíu astí, y pensemos que a l'atra chen, ya se la trbaría bel equipo de salbamento d'os Mossos d'Esquadra u bel fada madrina lis marcaría o camín.

A poco d'empezipiar, podiemos contautar con os estrabiaus. Yeran caminando ta l'ochetibo, pero por atro itinerario. Quedemos en a tuca. O camín transcurriba por zinglos y ripas que ébanos de salbar contino. A ruta yera señalizada, pero ixo no impediba que nos perdese-nos, encara que referenzia d'o tozal nos guiaba sin de problemas. En cosa de ora y meya alto u baxo, conquistemos a cumbre, que replegaba un antiguo monasterio que consistiba en una ilesia con estanzias trestalladas. Ascape beyemos os compañers d'o grupo tresbatíu, y nos fizo contentos de poder-nos achuntar de nuebo. A entrada a o conchunto monumental yera por una puerta ampla de piedra que daba paso a un pasadizo que repartiba as diferens estanzias dica rematar en un bar-restaurán, d'an saliba una fumera de carne a la brasa dinna d'o memismo San Beturián, por meter un nombre d'a mitolchía sobrarbesa, que te feba dentrar sin retecular. Pero nusatros lebaba-nos chenta ambute y a tentazión no nos fizo cosa. Solo nos faltaba o bin, pero no se puede tener todo en a bida, y antimás, qui tos escribe yera pasando un prozeso gastrointestinal prou fotío, y no ese estau buena medizina ta yo.

Dende l'alto se beyeban os mallos y tozals d'o Parque, pero tamién se'n beyeban de belatros como Montserrat, Montseny, y mesmo o Prepirineo. Tamién se podeba beyer Zaragoza, Mallorca y A Peña Montañesa,, pero solo os más esperimentaus. Os demás se dedicónn a una nueba modalidá de deporte aragonés: 'o lanzamiento de boina preta aragonesa'. Fue una esibizión fantastica, y pensamos en a posibildá de demandar que s'incluyise en os Chuegos de Pekín como disziplina olimpica. O que tamién nos clamó l'atenzión estión os meyos de transporte que emplegaban os d'o retaurán ta poder contar con buen reposte. Yeran burros y burretas as que s'encargaban de puyar u baxar o material, y beluns notaban con rasmia l'empenta d'a primabera... encara que as compañeras de ramada no lis seguisen . ¡¡Pobrez!!

A baxada estió periglosa por a cantidá d'alcorzes y esbarres que plegamos a pillar. Belún, precabíu y zorro, dixó siñals por si alcaso abésemos que tornar entazaga,pero no calió. Os esperimentaus montañers superamos toz os ostaclos y perdugas que podésemos tener y adubiemos a plegar a os autos tranquilamen y sin sobresaltos.

A chornada estió perfeuta y polida. Un regalo d'a naturaleza ta nusatros,y de nusatros ta ella.

¡¡Qué barbaridá!!"

Es molt bó enriquir el nostre horitzó cap altres maneres de expresar-nos i per això tenim les llengües.

Espero que us hagi agradat.

¡Gracies Miquel per la teva aportació i la teva llengüa!

LISEBE